-
Igoti ria Kiambu gucokereria wira kiumia giukite
Thutha wa mihang'o ya magoti kurugamio guku bururi-ini kurumirira king'uki kia covid 19 riu magoti ma Kiambu nimegukorwo magicokereria mihang'o yamo kwambiriria kiumia giukite thutha wa giikaro gia kamiti ya ahuthiri a magoti hamwe na honge itiganite cia watho kaunti-ini ya Kiambu.
Riu mamwe ma maciira maria no muhaka andu mekinyie mbere ya mucirithania marithikagiririo ihaaro-ini itiganite takihaaro gia Kirigiti na Ndumberi na aria maraciira makiamukirwo na matina kuuma njera, rumande kana andu matiganite. -
Amemba a mugunda wa Samuro gutetani turia
Amemba a mugunda wa Samuro Gatitu niuritie ruhonge rwa DCI guthuthuria andu aria maraheana tittle cia ngungo cia mugunda wao,amu ino ni njira imwe ya gutunya muingi mbeca.
Maugite nimahotanire ciira wahanditwo igoti-ini wigii mugunda uyu makiuga aria mari mugunda- ini wao meharirie kwehera amu taitu cikirie kuuma.
Wanjiru wa Boro na riboti makiria. -
Nyoro gukumithia aria maraingiria uteti na ng'aragu
Ngabana wa kaunti ya Kiambu James Nyoro nikaumithitie andu aria makoretwo makiingiria uteti uheani-ini wa irio kuri aria matari na uhoti kaunti-ini iyo, ihinda-ini riri muingi ugumirwo ni mathina kiondo rita kumana na king’uki gia covid 19.
Nyoro niahoete andu acio kunyitanira na thirikari ya kaunti hari guteithiriria Wanjiku wa kaunti iyo handu ha kuingiria uteti. -
Wuici wa miungurwa ya makorobia mwena wa Njeng'u, Nyeri
Ikundi cia arimi a makorobia ma Hashi ituura-ini ria Njeng'u kaunti-ini ya Nyeri ni itungitio igutha inene ria wuici wa miungurwa yao iria iraciarithanitio nigwo ikorwo ikihandwo.
Maabithaa a borithi nimoritio meke mituki kuhitana na turia nime turia turahotomia kioneki gia ikundi icio gia kwarahura urimi wa makorobia kaunti-ini iyo.
Mwandiki witu Muiruri wa Kang’ara niwe uratuhinyiria ici. -
Mateta ma uheani wa iria na kimenyano Nakuru
Gikundi kimwe kia MCAs kaunti-ini ya Naikuru nimakumithitie muthutukanio uria ukoretwo kuo uheani-ini wa irio kuri andu aria matehotete gicigo-ini kiu magikuira ati hena amwe a atongoria makoretwo makiingiria uteti uheani-ini ucio wa irio.
Riu MCA aya marenda gukorwo na mutaratara mukinyaniru na wina waragania wa gukinyiria muingi uteithio ucio.
Wambui wa Njuguna na riboti ino makiria. -
Maabitha a kuhurana na wuici wa mahiu Narok kworotwo
Aikari a Entiyani gicigo-ini kia umbunge kia Narok ya Rugongo nimarurunganite makimenereria kwongerereka kwa wuici wa mahiu mutitu-ini wa Longoman muhaka-ini wa kaunti ya Narok na Naikuru.
Aikari acio maugite ihinda-ini ria mweri umwe ng’ombe 20 niciyitwo na matiri na undu ungi tiga kuruirira mahiu mao angikorwo ruhonge rwa kuhitana na wuici wa mahiu kaunti-ini ino rutikuingirira na ihenya.
Muringi wa Ngure ari na ndeto ino makiria -
Kameme Tv Live
-
Kairitu ka miaka 9 kuhe birthday yako na aria mari na ng'aragu
Kwiraguo gutiri uriru utonwo na aikari a ituura ria Lunga Lunga kaunti-ini ya Nairobi nimahotetwo ni wendo wa kairitu ka miaka kenda karia gegukunguagira muthi wa guciarwo na njira ya kugayana irio na aria matehotete.
Sheridan Imani augite ndakenaga riria arona andu magithinika nikwaga gia kuria na uguo ahuthira ciringi ngiri ithathatu iria arahetwo ni arata cia kugemia muthi uyu na njira ya kugurira andu irio.
Wambui wa Njuguna niatuhaririirie riboti ino ya mwanya. -
Ethari ngũĩ cia 2007/2008 gũkaĩra thirikari
Thirikari ni yakinyanirie ciaraniro ciayo thutha wa ngahiha cia kinduriri cia mwaka wa 2007-2008, igikinya makinya mandanduku gucokereria muturire wa ethari nguui na njira ya kumariha mbeca, kumakira na kumagurira migunda kundu gutiganiite.
Gatagati ka aria metheirwo utuuro ni ethari ngui 174 aria matwarirwo mugunda-ini wa Muhu Farm mwena wa Kanjuiri Ngorika kaunti-ini ya Nyandarua no indi nginya umuthi gutiri mundu wanagairwo gacunji gake nigukorwo mugunda ucio nduri warihwo ni thirikari.
Menu